16 ივნისს ევროპის მოედანზე, ევროინტეგრაციის მხარდასაჭერ აქციაზე, რომელიც პრეზიდენტის ინიციატივით გაიმართა, სალომე ზურაბიშვილმა მედიის წარმომადგენელთა კითხვებს უპასუხა.

უკომენტაროდ გთავაზობთ შეკითხვებს, რომელიც „მთავარი არხის“ ჟურნალისტმა პრეზიდენტს დაუსვა:

ჟურნალისტი: თქვენი მოქალაქეობრივი ვალი გეუბნებათ თუ არა, რომ 20 ივნისს უნდა მიხვიდეთ დედაქალაქის მთავარ გამზირზე, თქვენი მოქალაქეობრივი ვალი რას გეუბნებათ, ქალბატონო სალომე?

პრეზიდენტი: მე არ დავდივარ პოლიტიკურ შეხვედრებზე.

ჟურნალისტი: პოლიტიკური შეხვედრაა 20 ივნისი? გახსოვთ, სამი წლის წინ რა მოხდა?

პრეზიდენტი: და თქვენ თუ გახსოვთ ჩემი განცხადება?

ჟურნალისტი: ყველაფერი გვახსოვს, ქალბატონო სალომე! ამ დღის მნიშვნელობიდან გამომდინარე, უნდა იდგეთ თუ არა საკუთარ ხალხთან?

ჟურნალისტი: 20 ივნისის დისკრედიტაციას რატომ ცდილობთ, ქალბატონო სალომე? ახალგაზრდების დისკრედიტაციას რატომ ცდილობთ, ვინც 20 ივნისს მივა დედაქალაქის მთავარ გამზირზე, რას ნიშნავს პოლიტიკური შეკრება, მაშინ განმარტეთ რა პოლიტიკური შეხვედრა?

პრეზიდენტი: სადაც არის პოლიტიკური მოწოდებები და ორგანიზაციები, პრეზიდენტი ვერ წავა ერთჯერ და არა მეორეზე და მესამეზე...

ჟურნალისტი: თქვენ ხომ ამბობთ, რომ ერთობა სახელმწიფოებრივი საკითხია?...

ჟურნალისტი: როდესაც გვყავს პოლიტიკური პატიმრები, როგორ დასკვნას ელოდებით, თქვენ გაქვთ დისკრეციის უფლება, თქვენ გაქვთ იარაღი, აპირებთ თუ არა [ნიკა გვარამიას შეწყალებას- ავტ.]?...

ჟურნალისტი: ქვეყანას პოლიტიკური პატიმრები ჰყავს, ეს თქვენს ინტერესებს სცდება, რომ ქვეყანას პოლიტპატიმრები ჰყავს?...

ჟურნალისტი: არ ფიქრობთ, რომ პოლიტპატიმრების ნაწილში თქვენ შეგეძლოთ...

ჟურნალისტი: შეგეძლოთ ნაბიჯების გადადგმა, ვაზუსტებ, ქალბატონო სალომე!

პრეზიდენტი: არ შემიძლია, თუ მაწყვეტინებთ შუა აზრის განვითარებას...

ჟურნალისტი: იქნებ, ჩემი კითხვა დავამთავროთ...

პრეზიდენტი: ევროპა იმას ჰქვია, რომ თუ გვინდა ევროპა, რომ რესპონდენტს აცლით, ბოლომდე ჩამოაყალიბოს თავისი აზრი, ხედვა.