ბათუმელმა მხატვრებმა პარიზში, საფრანგეთის პრეზიდენტის პატრონაჟით გამართულ საერთაშორისო გამოფენაში მიიღეს მონაწილეობა.

ეს ამბავი რამდენიმე ონლაინ-გამოცემის (primetime.ge; resonancedaily.com; akhalitaoba.ge; newposts.ge; presa.ge; alia.ge და სხვ.) მკითხველებმა ერთი და იგივე სათაურის მქონე სტატიებიდან შეიტყვეს: „ბათუმის მერი 40 დაქალთან ერთად, პარიზში კრუასანების საჭმელად წავიდა”.

ფრაზა ეკუთვნის ბათუმის მერიასთან გამართული საპროტესტო აქციიის მონაწილეს. მოძრაობა „ალტერნატივას“ წევრმა ქალაქის მერი საბიუჯეტო სახსრებით პარიზში მეგობრების წაყვანაში დაადანაშაულა და განაცხადა: „ბათუმის მერი იმყოფება პარიზში თავის 40 დაქალთან ერთად, სახელმწიფო ბიუჯეტის ხარჯზე, თითქოსდა იქ განვითარებული მოვლენების გამო, რაღაც ღონისძიებაზე წავიდნენ, რეალურად კი ისინი კრუასანების საჭმელად გაემგზავრნენ“.

აღნიშნულ ონლაინ-გამოცემებს არ უცდიათ იმის დაზუსტება, რა დელეგაცია გაემგზავრა ბათუმიდან პარიზში, მართლაც იყო თუ არა ყველა მათგანი მერის „დაქალი“ და დაფინანსდა თუ არა ყველა სტუმრის მოგზაურობა ქალაქის ბიუჯეტით.

ფოტო expressnews.com.ge